Rumah Panjai

Rumah Panjai aku:
Majoriti kitai bansa endang datai ari rumah panjai.Bisi nya ba ulu sungai,tisi jalai besai ,lalu bisi ga sekeda nya enda jauh ari indu nengeri.Agi bisi kini kitai bansa ke udah diau netap ba nengeri pulai ke rumah panjai???

Pengap Mangkung Tiang..

‘’Tu baru rumah mua pemanah
Ke reregah udah tembu.
Tu baru rumah panjai enggi kitai
Tak begamal libai-libai
Nadai utai agi dipigai udah badu.

O, lapa tak perintik tisau langit burik
Enggi kitai apai tak belik-belik
Baka pelik lachau engkarung

O, Lapa kerepau langit ijau
Enggi kitai apai tak menawa liau-liau
Baka likau rimau jelu remaung

Tak lalu pegari mua penampak
Meh petakang bintang banyak
Ke begamal berak-berak
Baka pantak kuling labung

Nya nadai ditanyaka nuan
Peda nuan pala tangga kitai dia
Nyau lindung ayung repa
Entak suka sabang bakung.
Peda pugu tanju enggi kitai lemai tu
Nyau lindung ayu liu
Alai orang gempuru duduk betugung.